Preface: Wrote this poem about 4 months back, found it today while surfing on my Google Docs. Not in a mood to change the font to Devnagari right now.
Beti lakshmi ka roop hai
jane yeh kitna sach, kitna jhoot hai
jin haathon ko pakad kabhi chalna sikhaya
aaj unhi haathon mein mehendi rachi hai
waqt na jane kaise beet gaya
aaj usi beti ki doli saji hai
dulhan bankar, saj-dhaj kar
aaj badi woh khush hai
maa-baap, parivaar chhoot jayenge aaj
bas yahi ek use dukh hai
jab bichhadna hai fir milne ke liye
fir bhi kyon aankhen bhar aati hai
beti paida hi hoti hai jane ke liye
fir kyon sab rote hai jab woh sasural jati hai
jab jab uski yaad sataye
ghar par milne woh aati hai
apni hi kokh se toh janam diya
fir kyon parayi kehlati hai ?
do parivaaron mein bantkar
bhi woh khush rehti hai
uski duvidha woh hi jane
kisise na kuchh kehti hai
No comments:
Post a Comment